వైఎస్ఆర్ కాంగ్రెస్ పార్టీ యువజన విభాగం రాష్ట్ర అధ్యక్షులు, రాజనగరం మాజీ శాసనసభ్యులు జక్కంపూడి రాజా సోమవారం కోరుకొండ మండలంలో విస్తృతంగా పర్యటించారు. ఇటీవల మండలంలోని వివిధ గ్రామాల్లో మృతి చెందిన పార్టీ కార్యకర్తలు, సామాన్యుల కుటుంబాలను ఆయన పరామర్శించి, వారిలో ధైర్యం నింపారు. అలాగే అనారోగ్యంతో బాధపడుతున్న పలువురిని పరామర్శించి ఆరోగ్య పరిస్థితులను అడిగి తెలుసుకున్నారు.
-
గాడాల గ్రామంలో ఇటీవల మృతి చెందిన యాసాల సూరిబాబు, అరుబోలు వీర వెంకటరావు, బొల్లాడి చెల్లయ్య కుటుంబాలను కలిసి తన ప్రగాఢ సానుభూతిని తెలిపారు.
-
గరగలంపాలెం గ్రామంలో ఇక్కడ మృతి చెందిన కోలా సాయి కుటుంబాన్ని పరామర్శించడంతో పాటు, అనారోగ్యం పాలైన దండిపాటి రాజును కలిసి ఆరోగ్య పరిస్థితిని అడిగి తెలుసుకున్నారు.
-
కోటి గ్రామంలో ఇటీవల ఇల్లు దగ్ధమై నిరాశ్రయులైన అంబటి లక్ష్మి కుటుంబాన్ని రాజా పరామర్శించారు. ప్రమాద ఘటన పట్ల విచారం వ్యక్తం చేస్తూ వారికి అండగా ఉంటామని భరోసా ఇచ్చారు. అలాగే గ్రామంలో మృతి చెందిన పలువురి కుటుంబ సభ్యులకు సంతాపం తెలిపారు.
-
బోల్లెద్దు పాలెంలో ఇక్కడ అనారోగ్యంతో బాధపడుతున్న యడ్లపాటి బాపనయ్య, మొదుకూరి నూకరాజు, అలగారి ముసలయ్య, మోదుకూరి బాబులు, యాకిట్ల చిన్నాలను పరామర్శించి.. వారు త్వరగా కోలుకోవాలని ఆకాంక్షించారు.
-
నరసాపురంలో మృతి చెందిన మారిశెట్టి గంగరాజు, దాకవరపు సత్యనారాయణ కుటుంబాలను పరామర్శించారు. అనారోగ్య సమస్యలతో ఉన్న సొంగ శ్రీనివాస్, మొగలపు చినబాబు, యాళ్ళ సుజిత్ ల ఇళ్లకు వెళ్లి పరామర్శించారు.ప్రజల కష్టసుఖాల్లో తాను ఎప్పుడూ ముందుంటానని ఈ సందర్భంగా జక్కంపూడి రాజా పేర్కొన్నారు. ఈ కార్యక్రమంలో స్థానిక నేతలు, కార్యకర్తలు పెద్ద సంఖ్యలో పాల్గొన్నారు.
